VOV4.Jarai - Mơguah lơ 28/4, Khua dêh čar ta ơi Phạm Minh Chính nao pơhmư̆ Jơnum pơtrut tuh pơplai tơring čar Sóc Trăng thun 2022 hăng anăn ñu “Gum hrom – gum ngă – pơđĭ kyar”. Amăng mông jơnum khua mua hơdôm ding jum, gơnong bruă đĭ pơhiăp ngă rơđah hloh dong tơhnal gal pơđĭ kyar mơng tơring čar Sóc Trăng hăng kual lŏn dăo ia krông Cửu Long lăi hrom.

Pơhiăp amăng mông Jơnum, Khua dêh čar ta ơi Phạm Minh Chính lăi pơthâo kơ 13 mơta tơlơi kiăng pơdŏng hăng pơđĭ kyar anih anom tuh pơplai, dlai tlô tuh pơplai anăp nao tơhnal pơkă 12 bôh hră: “Pơdah rơđah, tŏn ten, dưm kơnar, pơhlôm, ba glăi bôh tơhnal, kơjăp phik”. Amăng mông jơnum, tơring čar Sóc Trăng hmâo ƀơk laih tơlơi pơsit pơtrun tuh pơplai, hră tŭ yap tuh pơplai kơ 4 rơwang bruă hăng abih bang prăk tuh pơplai hmâo rơbêh kơ 12 rơbâo klai prăk hăng kĭ hơdor pioh kơsem min pel ĕp tuh pơplai hăng hơdôm bôh anom bơwih ƀong hăng abih bang rơnoh prăk tuh pơplai rơbêh kơ 200 rơbâo klai prăk./.

Siu H’ Prăk: Pơblang