VOV4.Jarai - Khua dêh čar phrâo hơmâo mông ngă bruă tom khua mua, ƀing kơhnâo mơng Sang hră kơsem min bruă ngă hmua Việt Nam. Lăi pơthâo glăi ƀơi mông ngă bruă brơi ƀuh, hơdôm thun laih rơgao, Sang hră hơmâo pơtô brơi lŏn ia hăng dêh čar pơkŏn rơbêh 120 rơbâo čô apăn bruă kĭ sư hăng khua wai lăng hrăm gưl prong đại học, rơbêh 10.000 čô thạc sĩ hăng rơbêh 600 čô nai tha prin. Anai hơmâo lăng jing tơlơi yôm amăng bruă ngă hmua.

Khua dêh čar pơhiăp ƀơi mông ngă bruă.

Pơhiăp ƀơi mông ngă bruă, Khua dêh čar ơi Phạm Minh Chính lăi, sang hră kiăng git gai rơđah hơdôm tơlơi pơtrun jơnum ping gah lok 5 kơ bruă hmua, plơi pla, mơnuih ngă hmua; kơ bơwih ƀong huă ngă hrŏm hăng lŏn tơnah ăt kah hăng Tơlơi pơtrun kơ pơplih phrâo blung a, pơplih abih bang bruă pơtô pơjuăt. Khua dêh čar kiăng Sang hră kiăo tui tơlơi pơtrun mơng Ping gah, Kơnuk kơna kơ pơđĭ kyar ngă hmua, mơnuih ngă hmua, plơi pla kiăng ngă truh kih bruă pơtô pơjuăt mơnuih rơguăt bruă bơwih brơi bruă hmua hăng plơi pla.

Siu H’Mai: Pơblang