Pơsit tong Kơnuk kơna Việt Nam tŏ tui pơplih bruă bơwih ƀong, ngă gêh gal brơi hơdôm anom bơwih ƀong mơng kual Mi kô̆, amăng anun hơmâo Airbus, pok prong bruă mă, tuh pơ alin lăp djơ̆ hăng tơlơi phiăn ƀơi Việt Nam, Khua dêh čar đăo gơnang hăng tơlơi rô nao rai hiam klă amăng 40 thun rơgao, bruă ngă hrŏm kơplah wah Việt Nam hăng grup Airbus amra tŏ tui yak nao rơwang pơđĭ kyar phrâo, sit nik ƀiă, ba glăi boh tŭ yua, yua kơ tơlơi dưi mơng dua bơnah.

Ơi Wouter van Wersch ăt tŭ ư hăng tơlơi rơkâo mơng Khua dêh čar, pơsit tong Việt Nam lĕ bơnah ngă hrŏm yôm hloh mơng Airbus, anom bruă anai ƀuh tơlơi dưi prong hăng čang rơmang kơtưn, ngă kjăp tui tơlơi rô nao rai hăng Việt Nam; ƀu djơ̆ kơnong sĭ brơi rơdêh por đôč ôh ăt pơjing tơlơi rô nao rai ngă hrŏm sui thun, hrưn đĭ klă tui pran ngă bruă mơng gơnong bruă rơdêh por Việt Nam.