Việt Nam hơmâo dua wŏt pơphun truh kih thun APEC amăng hơdôm thun 2006 hăng 2017. Thun APEC 2027 lĕ sa amăng hơdôm bruă pơtom hiăp yôm phăn, prong hloh mơng Việt Nam dong mơng anai truh thun 2030, kiăng prap lui djop mơta, tong ten, ha amăng plĕ, ngă brơi klă hloh. Truh ră anai, lu bruă jao hơmâo pơgiong tui tơlơi ba tơbiă. Pơsit tong bruă pơphun truh kih thun APEC 2027, sit biă ñu lĕ Rơwang hrơi tơjuh jơnum khua mua pơprong, amra kơđŏm glăi tơlơi hiam klă mơng Việt Nam amăng APEC hăng ƀing gơyut gơyâo jar kmar, laih dong anai lĕ hrơi mông pơlir ngăn rơnoh jar kmar djru pơđĭ kyar bơwih ƀong huă-mơnuih mơnam amăng lŏn ia, ƀon lan hăng anom bơwih ƀong sĭ mơdrô, Khua dêh čar ơi Lê Minh Hưng rơkâo bruă prap lui kiăng pơhlôm tong ten, rơđah rơđông.

Bơdjơ̆ nao bruă pơtô pơblang, gru grua amra ngă amăng thun 2027, Khua dêh čar rơkâo grup pơtô pơblang, gru grua đing nao pơgiong hơdôm akŏ bruă, sit biă ñu lĕ hơdôm bruă djru brơi grup khua mua pơprong Việt Nam nao jơnum Rơwang hrơi tơjuh jơnum khua mua pơprong APEC 2026 ƀơi dêh čar Khač hăng bruă jao glăi kơ bruă git gai brơi Khua APEC thun 2027.