Amăng mông bưp, Khua dêh čar bơni kơ WEF hăng hơdôm bơnah ngă hrŏm hơmâo gum hrŏm Việt Nam, pơgôp pơjing khul jing anih pơlăi nao rai, pơlir kơplah wah Kơnuk kơna, anom bơwih ƀong sĭ mơdrô hăng ƀing kơsem min boh thâo phrâo. Khua dêh čar lăng hơdôm bruă pơlăi nao rai hơdră bruă, tơlơi găn rơgao hăng pơƀuh boh thâo phrâo hơmâo pok rai lu tơlơi gal ngă hrŏm, ĕp anŏ pơtrut pơđĭ kyar.

Ơi Stephan Mergenthaler lăng yôm tơlơi yak nao pơđĭ kyar sui thun mơng Việt Nam, sit biă ñu lĕ jơlan gah pơđĭ kyar hluai tui mă yua boh thâo phrâo, boh thâo ia rơgơi, pơplih pơčeh phrâo hăng bơwih ƀong mơnuih ƀôn sang ngă pô; laih dong pơsit tong WEF čang rơmang kơtưn gum hrŏm hăng Việt Nam. Anăp nao thun APEC 2027 yua Việt Nam pơphun, WEF amra gum hrŏm hăng gưl prong, pơlir nao rai anom bơwih ƀong sĭ mơdrô hăng hơdôm bơnah ngă hrŏm jar kmar. Khua dêh čar rơkâo WEF djru mă yua boh thâo phrâo, pơlăi nao rai tơlơi thâo thăi, pơhưč tuh pơ alin hăng tañ pơjing bruă ngă hrŏm yôm phăn brơi rơwang pơ anăp.