Tui hăng anŏ dăp hlâo ƀôn prong Hồ Chí Minh lăi pơthâo, klâo blan tal IV thun anai đĭ rơbêh 13%, kiăng ngă djŏ rơnoh pơkă pơđĭ kyả thun 2026. Khua ping gah, khua mỉ sỉ lăi lĕ, tơlơi pơtrun kiăng ngă lĕ lu, anun kiăng pơtong rơđah bruă mă tơlơi pơgôp hrŏm amăng djop gơnong bruă, anom bruă, rĭm akŏ bruă hăng khul bruă mơnuih sĭ mơdrô gum hrŏm.

Lơm hrơi mông ƀơi rŏng lơ̆n tơnah pơblih lu đơi, tơlơi rung răng hmar, ƀôn prong khom pơtrut tui tơlơi thâo amăng bruă mă, lăi lui hlâo, prăp lui dăp hơdră či ngă bruă djơ̆ hnơ̆ng bong glăi tơlơi či hơmâo, hrŏm hrŏm hăng bruă pơsit tong ten tơhnal pơkă sui thun, boh tơhnal mă bruă, ba yua ia rơgơi phrâo, mơnuih mă bruă hăng pơgang anih hơdip jum dar. Ñu rơkâo khul apăn bruă ping gah ƀôn prong ăt khom pơblih tơlơi pơmin, bruă mă, pơđĭ kơtang tơlơi thâo amăng bruă mă, ngă tui pơsir djop mơta bruă truh hơmâo boh tơhnal tal rơnuč kah mơ̆ng giong. Ngă tui djơ̆ tơlơi dưi mơ̆ng tơlơi phiăn pơkă kơ ƀôn prong pơhrŏ hĭ hơdră ngă hră pơar lu črăn, kiăng pơhrŏ hiŏ rơnoh prăk mơnuih ƀôn sang hăng sang bruă mơdrô rô nao rai ngă hră pơar. Jŭ yap glăi abih bang bruă mă, sem lăng tong ten tơlơi gơgrong ba mơ̆ng rĭm čô khua apăn bruă, đing nao pơpha mơnuih mă bruă gong gai plơi pla, să, phường yua ngă lu bruă đơi, pơsir tañ hră pơar dŏ kơđông laih anun pơsit pô hlơi ngă kaih, khom glăm ba amăng bruă mă. Pơtong glăi khul mơnuih apăn bruă hăng gơnam pơkra ming rai laih anun tơlơi ngă mơak pran jua mơnuih mơnam, pơhrua khua mua ngă bruă ƀu thâo, ƀu dưi pơsir bruă či kiăng.