Bruă čih pơkra hră pơtrun anai kiăng ngă tui djop hloh, hmao kru tui jơlan hơdră, hră pơtrun mơ̆ng ping gah pơgang tơlơi dưi ngă pô mơnuih ƀôn sang, pơhlom ba tơlơi dưi rơngai ngă yang, tơlơi đăo kơ abih bang mơnuih, djơ̆ găl hăng tơlơi bơwih ƀong huă-mơnuih mơnam mơ̆ng Việt Nam.

Sa amăng hơdôm boh yom phun amăng hră pơtrun lĕ brơi ngă tui amuñ hloh hơdră ngă hră pơar, pơsir brơi tơlơi kiăng, pơhaih rơđah tong ten, ba yua boh thâo ia rơgơi tơlơi pơhing hăng pơblih yua mrô amăng bruă ngă hră pơar hăng wai lăng tơlơi ngă yang kơkuh pơpŭ, tơlơi đăo, mơ̆ng anun kiăng jai hrơi klă hloh wai lăng tơlơi rơngai ngă yang, kơkuh pơpŭ hăng tơlơi đăo mŏng mơnuih ƀôn sang. Lơ̆m čih pơkra hră pơtrun, hơdôm tơlơi pơkă, bruă pơtrun khom kơsem min tong ten, sem lăng djop tơlơi dưi pơgang anŏ djơ̆ găl, tơpă sit tơlơi dưi kơ mơnuih mơnam hơmâo čih amăng hră pôr pơthâo tơlơi dưi ƀoi rŏng lŏn tơnah, tơlơi pơkă mơ̆ng rŏng lơ̆n tơnah pơgang tơlơi dưi ană mơnuih thun 1948 hăng Hră pơkôl jar kmar kơ tơlơi dưi mơnuih ƀôn sang hăng bruă kơđi čar thun 1966 mơ̆ Việt Nam jing ding kơna; laih dơ̆ng pơgang tơlơi dưi ană mơnuih, tơlơi dưi mơnuih ƀôn sang dêh čar hăng pơđĭ tui boh tŭ yua mă bruă git gai wai lăng mơ̆ng kơnuk kơna.