Jơlan dar anai ataih truh 28,5 km, găn nao pơ hơdôm să Čuôr Dăng, Quảng Phú, Êa Ñuôl hăng hơdôm phường Tân An, Ƀuôn Ma Thuôt. Anih jơlan tơkuh hăng jơlan 14 lĕ ƀơi să Čuôr Dăng; anih tơkuh ƀơi rơnuč hăng jơlan mrô 1 tơring čar gah să Ea Ñuôl. Akŏ bruă anai gah khul B, mă yua prăk kơnuk kơna dêh čar 1.080 klai hăng prăk tơring čar pơgôp hrŏm 720 klai.

Tui hăng anŏ rek lăng hlâo, jơlan anai, brơi rơdêh dưi đuăi hmar 80 km lơ̆m sa mông, atur jơlan prong 12 met, hrŏm hăng lu anih pơkra tơdrông tua, amăng pơhluh ia rô, čroh hnoh, ia ania hăng ring bruă pơhlom tơlơi rơnuk rơnua ƀơi akiăng jơlan nao rai. Thun blan ngă bruă čuk pơkra mơ̆ng thun 2026 truh thun 2029. Laih čuk pơkra giong jơlan anai, jơlan dar 2 amra pơtruh nao rai hăng kual gah yŭ, yŭ kơdư Ƀuôn Ma Thuôt hăng jơlan rơdêh đuăi hmar Khánh Hòa-Ƀuôn Ma Thuôt laih anun jơlan phun rô nao rai; djru ngă hrŏ ƀiă anŏ kơniă jơlan rô amăng kual giăm ƀôn prong, pok prong anih anom man pơdong plơi prong, pơhưč bruă tuh pơ alin hăng pơtrut pơđĭ kyar bơwih ƀong huă-mơnuih mơnam kơ tơring čar.