Lăi pơtong duh glăi, djru ba, pơdong glăi plơi pla phrâo bơbeč djơ̆ nao kơ tơlơi hơdip mơda mơnuih ƀôn sang hăng amăng bruă ngă hră pơar tơgŭ kơđi, pơsir tơnap tap, sui hrơi blan mơ̆ng anai pơ klôn juăt ƀuh, lu khua mua lăi, kiăng pơtong rơđah tong ten rơnoh lơ̆n sang đang hmua, ngă tui djơ̆ rơnoh sĭ mơdrô ƀơi anih sĭ mơdrô lơ̆n mơnai gah rơngiao, djru mơnuih ƀôn sang pô rơngiă lơ̆n anun tŭ mă prăk duh glăi lăp djơ̆.

Hăng lơ̆n ngă hmua dŏ giăm plơi pla, hơmâo anăn pơsit tong ten phun tơdŭ huăi djơ̆ lơ̆n bơrơsua ôh, arăng dŏ lu rơnuk laih amăng sang anŏ, tui hăng khua pơ ala Lê Hữu Trí, grup mơ̆ng Khánh Hòa rơkâo, kơsem min tong ten tơlơi phiăn pơkă duh glăi djơ̆ găl hăng rơnoh lơ̆n hơmâo, lơ̆m mă yua hăng bơbeč djơ̆ găl sit nik mơ̆ng bruă pơhrui glăi lơ̆n. Tui hăng khua pơ ala Dương Khắc Mai, grup mơ̆ng Lâm Đồng, kiăng ngă pơrơđah hloh tơlơi pơkă anih dŏ phrâo khom klă hloh kơ anih dŏ hơđăp hăng tơhnal pơkă rơđah rơđong hloh, hơmâo sem glăi tong ten. Ƀing khua mua pơ ala ăt brơi thâo, Kơčăo bruă tơlơi phiăn khom đing nao ngă pơhơđong tơlơi hơdip mơda, bruă bơwih ƀong huă, sĭ mơdrô laih anun rŭ glăi tơlơi bơwih ƀong huă kơ mơnuih ƀôn sang arăng pơhrui mă lơ̆n, samơ̆ ăt khom ngă rơđah tơlơi glăm ba, boh tơhnal ngă tui jơlan hơdră mơ̆ng kơnuk kơna. Jơlan hơdră pơhrui glăi lơ̆n sang đang hmua ƀu kơnong pơtong glăi hăng anŏ tañ hăng ngă hmar pơklaih ala lơ̆n ôh, dŏ sem lăng ngă hơđong tơlơi hơdip mơda kơ mơnuih ƀôn sang hăng rŭ glăi tơlơi bơwih ƀong huă kơ mơnuih bơbeč yua.