Ƀơi mông jơnum mơguah, ƀing pơ ala mơnuih ƀôn sang dêh čar pơčrong sai kơ tơlơi phiăn kơ bruă sĭ mơdrô lơ̆n mơnai, gơnam ƀu thâo pơđuăi čih pơkra glăi hăng tơlơi phiăn ngă tui tơlơi dưi ngă khua pô mơnuih ƀôn sang ƀơi plơi pla čih pơkra glăi.

Khua Ding jum Man pơdong hăng Khua Ding jum Bruă čar amra lăi pơthâo, ngă pơrơđah hloh hơdôm tơlơi ƀing khua pơ ala lăi pơthâo. Či tlam, ƀing pơ ala bơkơtuai nao rai boh tơhnal ngă tui akŏ bruă bơwih ƀong huă-mơnuih mơnam thun 2026, him lăng sem glăi akŏ bruă thun 2027; tơlơi pơhing ngă tui bruă ba yua ngăn drăp kơnuk kơna, akŏ bruă tuh pơ alin bruă čar thun 2026 hăng hơdră pơpha ngăn rơnoh dêh čar, akŏ bruă tuh pơ alin kơ bruă čar thun 2027. Ƀing pơ ala mơnuih ƀôn sang dêh čar ăt sem lăng, pơsit rơnoh prăk kơnuk kơna amăng thun 2025, bruă pơƀut glăi bruă ngă tui Hră pơtrun mrô 66 thun 2013 laih anun pơđut tal dăp hơdră kơčăo bruă čuk jơlan Hồ Chí Minh prong hloh truh dua glông rơdêh đuăi.