Man pơkra amăng kơnôl 19/8/2025, tơdơi kơ rơbêh ha thun pơphun ngă, kơčăo bruă anai jing giong laih, ngă klă tui boh tŭ yua mơ̆ng tơdron rơdêh por, tui hăng tơlơi kiăng por đĭ plĕ trun mơ̆ng rơdêh por rơnuk phrâo, pơtruh Gia Lai hăng hơdôm anom bruă bơwih ƀong, čơkă tuai amăng dêh čar hăng jar kmar.

Nao pơhmư̆ hăng pơhiăp ƀơi mông ngă lơphet, Kơ-iăng khua dêh čar ơi Hồ Quốc Dũng pơpŭ kơ tơlơi gir mơ̆ng hơdôm boh tơring hăng hơdôm anom bruă bơdjơ̆ nao; laih dong lăi dlăm, Tơdron rơdêh por Phù Cát hăng tơdron rơdêh por Pleiku jing phun atur yom biă pơhưč bruă tuh pơ alin, pơtrut đĭ kyar bơwih ƀong, čơkă tuai kual Dap Kơdư. Kơ-iăng khua dêh čar kiăng tơring čar Gia Lai ngă hrŏm hơdôm ding jum, anom bruă, pơhlom brơi jơlan rơdêh por dưi mă yua rơnuk rơnua; bơkơnar; pok prong hơdôm jơlan por nao rai, mă yua klă anŏ gêh găl pơtruh ia rơsĭ, glai rưng hăng dap kơdư./.