Lăi pơthâo ƀơi mông jơnum brơi thâo, bơwih ƀong huă hơmâo lu tơlơi dưi ngă, hmư̆ hing biă. Prăk pơhrui sĭ mơdrô gơnam hăng tač rơngiao blung a hơmâo rơbêh kơ 1.000 klai USD. Prăk tuh pơ alin mơ̆ng tač rơngiao hơmâo năng ai 55 klai USD, pơhrui kơ kơnuk kơna 2,44 klăk klai prăk. Lăp đing nao, rơbêh kơ 900 kơčăo bruă dŏ glăi hơmâo mă yua.

Klah čun mông jơnum, Khua dêh čar ơi Lê Minh Hưng lăi dlăm, pơgăn bruă pơđĭ nua gơnam ča čot, bong kjăp tơlơi bơwih ƀong jing bruă kiăng ngă kơtang hloh amăng dua blan či abih thun, ngă phun atur hơđong či đĭ kyar hơđong hăng pơhlom rơnuk rơnua mơnuih mơnam. Khua dêh čar kiăng hơdôm ding jum, anom bruă, gong gai ƀon lan khut khăt brơi nao 100% mrô prăk či ngă bruă, pơklaih brơi anŏ tơnap kơ hơdôm kơčăo bruă ngă kaih, pơklaih brơi anŏ tơnap sang dŏ kơnuk kơna man pơdong, sang bruă kơnuk kơna, hăng lŏn tơnah kơnuk kơna. Laih dong, pơtrut ba sĭ gơnam pơ tač rơngiao, pơtrut mơnuih ƀon sang blơi yua gơnam mơ̆ng čar ta, pơtruh anih pơkra hăng pô blơi, laih anun pơtrut bruă sĭ mơdrô, kiăng dưi hơmâo rơnoh đĭ kyar lu amăng ha thun./.