Tlam kơnôl 29/9, ƀơi Sang bruă kơnuk kơna, Khul apăn bruă phun ping gah Kơnuk kơna hăng Khul apăn bruă phun Ping gah Khua pơ ala mơnuih ƀôn sang jơnum lăng glăi bruă čih pơkra tơlơi phiăn, hră pơtrun hăng hră pơ-ar pơdah či pơdah pơ Khua mua pơ ala mơnuih ƀôn sang dêh čar ƀơi mông Jơnum lok 2, Khua pơ ala mơnuih ƀôn sang dêh čar tal 16. Khua dêh čar ơi Lê Minh Hưng hăng Khua pơ ala mơnuih ƀôn sang dêh čar ơi Trần Thanh Mẫn gum git gai.

Mông jơnum anai, Kơnuk kơna him lăng pơdah pơ ƀing khua pơ ala 95 pok hră, amăng anun 44 tơlơi phiăn hăng hră pơtrun, hơmâo 7 tơlơi phiăn čih pơkra phrâo, 36 tơlơi phiăn pơkra glăi, pơhrua tui, hăng 1 hră pơtrun. Kơnuk kơna glăk ječ ameč prăp rơmet hră pơ-ar tuh pơ alin kơ hơdôm kơčăo bruă prong gưl dêh čar yua Ƀirô khua pơ ala mơnuih ƀon sang dêh čar sem lăng. Khua dêh čar ơi Lê Minh Hưng lăi dlăm, bruă kiăng ngă prong biă, lu tơlơi phiăn bơdjơ̆ nao mơnuih ƀôn sang hăng sang bruă bơwih ƀong, kah hăng Tơlơi phiăn lŏn sang đang hmua, Tơlơi phiăn Prăk kăk mơ̆ng Kơnuk kơna, Tơlơi phiăn tuh pơ alin mơ̆ng kơnuk kơna tum pơƀut hrŏm, Tơlơi phiăn Hình sự hăng Tơlơi phiăn ngă kơđi hình sự./.