Čih pioh amăng hră mơnuih nao jôk nao, Khua dêh čar ơi Lê Minh Hưng čih: “Rơngôt kơtang biă kơ ơi Saysomphone Phomvihane, Ding kơna Ding jum kơđi čar, Khua pơ ala mơnuih ƀôn sang dêh čar Lao, sa čô khua rơgơi mơbruă, tuh rơyuh pran jua, sa čô gơyut gơyâo, giăng mah pŭ ƀăn mơ̆ng Ping gah, Kơnuk kơna hăng mơnuih ƀôn sang Việt Nam. Ñu jing mơnuih khăp ƀu-eng dlăm biă mă hăng hơmâo lu tơlơi gum pơgôp prong biă mă amăng bruă hơkrŭ kjăp, pơđĭ tui tơlơi rô nao rai giăng mah, gum pơgôp yom pơphăn, ngă hrŏm hlom bom abih bang, jê̆ giăm hrŏm hơbit kơtang biă Việt Nam hăng Lào. Tơlơi djai rơngiă mơ̆ng ơi Saysomphone Phomvihane ƀu kơnong jing tơlơi rơngiă prong hăng Ping gah, Kơnuk kơna laih anun mơnuih ƀôn sang dêh čar Lao đôč ôh, ăt jing tơlơi rơngiă prong biă mă mơ̆ng Ping gah, Kơnuk kơna hăng Mơnuih ƀôn sang Việt Nam”.