Khua dêh čar ơi Lê Minh Hưng nao pơhmư̆ mông ngă lơphet. Tui hăng Khua dêh čar ơi Lê Minh Hưng, sang dŏ brơi apah mă khŏm pơsit jing bruă yom, sui thun, bơwih brơi lu mơnuih ƀôn sang, biă ñu ƀing kông ñơn, mơnuih mă bruă, čơđai sang hră, ƀing mă bruă čar, nai kai, hăng tơhan blah ngă kiăng sang hơmâo sang či apah mă dŏ hăng nua rơgêh ƀiă. Khua dêh čar kiăng Hà Nội yơh pơphun ngă hlâo, nao hlâo, ječ ameč lăng glăi abih bang bruă pơkă hơnong, prăp rơmet lŏn tơnah, sang dŏ, ngăn hơdrăp kơnuk kơna glăk mă yua ƀu rơ-oa, đah mơ̆ng thâo dăp glăi, pơkra sang dŏ brơi arăng apah mă; lăi pơthâo hăng Khua dêh čar boh than 6 blan thun 2026.

Khua dêh čar lăi rơđah, hơdôm tơlơi pơtrun kiăng ngă hlâo mơ̆ng Hà Nội tơdah ngă klă amra pok prong amăng đơ đam dêh čar hlao. Pơhiăp ƀơi mông pơphun ngă, Khua Jơnum min mơnuih ƀôn sang ƀôn prong Hà Nội Vũ Đại Thắng pơsit anai jing bruă rơđah rơđông, kiăng ba Tơlơi pơtrun mơ̆ng Ding jum kơđi čar kơ man pơdong hăng đĭ kyar plơi prong jưh jom Hà Nội amăng rơnuk phrâo, Tơlơi phiăn plơi prong jưh jom, Pơkă hơnong man pơdong abih bang Plơi prong jưh jom hăng hơdôm tơlơi djru phara mơ̆ng Gơnong dlông sit nik mă yua; pơdah pran jua gir run mơ̆ng Hà Nội amăng bruă mă yua klă hơdôm tơlơi pơtrun hơmâo jao, kiăng pơjing rai rơnoh đĭ kyar phrâo, anih đĭ kyar phrâo, hăng hơdôm anŏ yom phrâo kơ mơnuih ƀôn sang plơi prong jưh jom./.