Khua dêh čar ơi Lê Minh Hưng tŭ jum Khua pơ ala Keh prăk jar kmar
Thứ tư, 13:59, 29/07/2026
VOV/Siu H'Mai pơblang
VOV/Siu H'Mai pơblang
VOV.Jarai - Tlam kơnôl 28/7, ƀơi Sang bruă Kơnuk kơna, Khua dêh čar ơi Lê Minh Hưng tŭ jum ơi Jochen Schmittmann, Khua pơ ala IMF hăng ơi Fazurin Jamaludin, Khua tŏ tui mơ̆ng kơnôl 23/8.
Khua dêh čar ơi Lê Minh Hưng bơni kơ tơlơi gum pơgôp prong mơ̆ng ơi Schmittmann amăng bruă pơtom hiăp ĕp jơlan ngă bruă hăng pơtrut tơlơi rơgơi pơtô pơjuăt kơ Việt Nam thun blan rơgao, laih dong bơni hơ-ơč kơ ơi Jamaludin hơmâo ruah pơhrua tui ƀơi Việt Nam hăng Lao.
Khua dêh čar ơi Lê Minh Hưng lăi dlăm, IMF jing anom bruă pơto brơi jơlan hơdră prong, jing gơyut ngă bruă đăo kơnang biă mă. Kơnuk kơna Việt Nam leng kơ lăng hơdôm tơlơi lăi pơthâo, tơlơi pơčrâo brơi mơ̆ng IMF jing tơlơi pơhing či sem lăng hla tui amăng bruă čih pơkra jơlan gah git gai. Khua dêh čar čang rơmang amăng rơwang bruă tŏ tui, Anom bruă IMF pơtruh hrŏm klă hloh, pơphun na nao bruă pơtom hiăp, gum pơgôp tŭ yua amăng rơnoh đĭ kyar tañ hăng hơđong mơ̆ng Việt Nam./.
Viết bình luận