Dua čô khua hok mơak ƀuh bruă ngă giăng mah dua bơnah pơđĭ kyar aka ƀu hơmâo djơ̆ ôh hăng ngă tui hlom bom amăng djop bruă; lăi pơtong bruă ngă khut khăt ba tơlơi ngă giăng mah dua bơnah yak đĭ amăng rơwang phrâo. Dua bơnah tŭ ư ngă hrŏm bơwih ƀong huă yơh tơmeh phun amăng bruă ngă pŭ ƀăn dua bơnah; ngă hrŏm pok pơhai tŭ yua Hră pơkôl pơkă không kơ bruă pơtruh nao rai dua boh dêh čar bơwih ƀong huă hrŏm hăng bruă ngă pŭ ƀăn bơwih ƀong huă mơtah mơda-bơwih ƀong huă mrô Việt Nam-Singapore, boh nik ñu pơtruh nao rai bruă dăng kông tơlơi pơhing; pơđĭ tui pơkra glông bruă tơlơi pơhing dăng kông VSIP 2.0 hơđong kjăp, rơgơi kơhnâo, pơđĭ kyar bruă pơkra apui yua hơdjă.

Dua čô khua ăt lăi pơtong, kiăng pơtrut tui bruă ngă hrŏm amăng bruă yôm pơkŏn kah hăng pơgang lŏn ia, rơnuk rơnua hơđong, pơtô-pơjuăt, gru grua hiam hăng jĕ giăm mơnuih ƀôn sang dua bơnah. Khua dêh čar ta, ơi Phạm Minh Chính lăi pơtong amra ngă gêh găl hloh kơ djop sang bruă sĭ mơdrô bơwih ƀong huă mơ̆ng dêh čar Singapore pok prong tui bruă mă tuh pơ alin ƀơi Việt Nam.