Hrơi ngă yang prong gah đăo phơ̆t arăng iâu Phật đản Phật lịch thun 2567 - Tui thun ta lĕ 2023 yua Khul đăo phơ̆t Việt Nam pơphun yôm amăng Pra yang sang čua Quán Sứ - anih hơmâo ƀuh lu bruă yôm mơng Khul đăo phơ̆t Việt Nam. Anai jing bruă jơnum gah tơlơi đăo prong biă mă hăng tơlơi hơdip mơda pran jua mơnuih tui đăo phơ̆t, jing hrơi gru grua, tơlơi đăo ƀơi rŏng lŏn tơnah hơmâo Jơnum min Sang gum hơbit djŏp dêh čar tŭ yap. Pơ ala kơ khua mua Ping gah, Kơnuk kơna, Jơnum min djŏp djuai ania mơnuih mơnam Việt Nam hăng tơlơi khăp ƀu-eng mơng pô ñu, Khua dêh čar mơ-it kơ abih bang khua mua Khul đăo phơ̆t Việt Nam, ơi phơ̆t, yă yơng, mơnuih tui đăo phơ̆t amăng dêh čar wơ̆t hăng pơ dêh čar tač rơngiao tơlơi bơni hơ-ơč hrơi Ngă yang prong Phật đản Phật lịch 2567 mơng Khul đăo phơ̆t Việt Nam hiam mơ-ak tui tơlơi kiăng.

Khua dêh čar ta lăi, hăng giăm 2 rơbâo thun nao hrŏm hăng djuai ania ta, đăo phơ̆t Việt Nam jing mut tơma, bang hyu, mut hrŏm hăng mơnuih ƀon sang Việt Nam, jing ha bơnah yôm amăng tơlơi hơdip mơda djuai ania Việt Nam; čang rơmang hăng đăo gơnang Khul đăo phơ̆t Việt Nam pơtrut tui pran jua hiam klă, ngă bruă bơwih brơi mơnuih mơnam, hơdip klă đăo hiam, pơtrut tui pran jua gum pơgôp abih bang, yua sa dêh čar Việt Nam pơdrong asah, yâo mơ-ak.