Anai lĕ kơčăo bruă yôm mơ̆ng dêh čar gah anom bruă wai lăng jơlan glông pô ngă, hăng jơlan anai glông ataih 247 km; rơnoh prăk tuh pơ alin kơ 3 kơčăo bruă anai abih tih 115 rơbâo klai prăk. Khua dêh čar pơtrun hiăp kơ djop sang bruă gơnong dlông hrom hăng Ding jum Jơlan glông hăng pơdŭ pơgiăng, Jơnum min mơnuih ƀôn sang 7 boh tơring čar, ƀôn prong hơmâo kơčăo bruă anai, ăt ngă gêh găl kơ bruă čuk pơkra jơlan, hmao kru pơsir hĭ tơlơi dŏ gun tơnap tap, pơhlôm hơđong tơlơi rơnuk rơnua pioh kơ Khul wai lăng kơčăo bruă hăng pô sang bruă tuh pơ alin mă bruă djơ̆ hrơi blan pơkă, tŭ yua.

Kơnuk kơna amra đing nao, git gai khut khăt kiăng tañ giong 3 arăt jơlan anai ăt kah hăng lu kơčăo bruă pơđĭ kyar bruă pơkra jơlan pơkŏn kiăng bơwih brơi bruă mă bơwih ƀong huă mơnuih mơnam, pơđĭ tui tơlơi hơdip mơda mơnuih ƀôn sang. Ăt amăng lơ 18/6 mơ̆n, Khua dêh čar ơi Phạm Minh Chính nao jơnum hrom pơphun 2 kơčăo bruă čuk pơkra jơlan rơdêh đuăi hmar Nha Trang-Cam Lâm hăng Vĩnh Hảo-Pha Thiết.