VOV4.Jarai - Amăng mông bưp ƀô̆ mơta grup đă boh lông đah kơmơi dêh čar lơ 10/2, Khua dêh čar ơi Phạm Minh Chính lăi pơtong: Hăng tơlơi dưi, tơlơi gir run abih pran jua kiăng kơ tal blung a dong mơng đưm hlâo Grup đă boh lông đah kơmơi dêh čar dưi mut đă World cup 2023, khua dêh čar iâu lĕ ƀing đah kơmơi kơmơi boh priă hăng nai pơtô đă boh lông boh priă mơng grup bơrơguăt drơi jăn Việt Nam. Khua dêh čar ơi Phạm Minh Chính lăi pơtong, bruă grup đă boh lông đah kơmơi dêh čar dưi mut đă World Cup lĕ tơlơi dưi prong hloh mơng grup đă boh lông Việt Nam.

Tơlơi dưi anai ngă hok mơ-ak kơ abih bang mơnuih amăng thun phrâo anai. Khua dêh čar čang rơmang Grup đă boh lông gir run na nao kiăng kơ ba glăi tơlơi dưi prong hloh amăng hơdôm tal pơplông pơ anăp anai, blung hlâo lĕ wai pơgang lĕ dêh čar glăk djă cup amăng tal pơplông SEA Games 31 amăng blan 5 pơ anăp anai. Ăt amăng mông bưp, pơ ala Anom bruă kơnuk kơna jao 4 klai 500 klăk prăk (mơng keh prăk djru mơnuih mơnam); Jơnum min Olympic Việt Nam jao 3 klai 600 klăk prăk (hơmâo prăk mơta hăng gơnam pơpŭ dong) brơi kơ Grup đă boh lông đah kơmơi dêh čar Việt Nam.

Siu Đoan: Pơblang