VOV4.Jarai - Tơdơi hrơi ngă lơphet hơdor glăi 45 thun bơblư̆ kơnuk kơna pơdjai đut djuai Pol Pot mơng Khua dêh čar Hun Sen, Khua dêh čar ơi Phạm Minh Chính hơmâo bưp hăng pơhiăp tom Khua dêh čar Hun Sen ƀơi Sang ngă giăng mah Kur - Việt Nam ƀơi tơring glông Memot, tơring čar Tbông Khnum dêh čar Kur. Khua dêh čar ơi Hun Sen hok mơ-ak hăng bơni kơ Khua dêh čar Phạm Minh Chính tŭ ư tơlơi jak iâu nao pơhmư̆ hrơi ngă lơphet lơ 20/6/2022, lăng anai jing gru grua sit nik kơ tơlơi rô nao rai ngă giăng mah pŭ ƀăn kơplah wah dua djuai ania Việt Nam hăng Kur. Dua čô Khua dêh čar tŭ ư ngă hrŏm bơkơtuai khua mua prong hăng pơphun ngă klă djŏp bruă amăng jơlan ngă bruă “Thun ngă giăng mah Việt Nam - Kur 2022”, amăng anun hơmâo ngă lơphet 55 thun akŏ pơdong tơlơi pơtom hiăp lơ 24/6/2022 ƀơi plơi prong jưh jom Hà Nội. Dua bơnah tŭ ư pơtruh nao rai tơlơi bơwih ƀong, tañ ngă giong “Akŏ bruă dưm dăp abih bang pơtruh nao rai tơlơi bơwih ƀong Việt Nam - Kur truh thun 2030”.

Siu H’Mai: Pơblang