Amăng mông bưp, Khua dêh čar ơi Phạm Minh Chính pơsit tong Việt Nam gir ngă tui hơdră “sa dêh čar Khač”, đing nao hơdôm tơlơi pơčeh rŏng lŏn tơnah mơng dêh čar Khač hăng prap pơčrông sai kơ hơdôm tơlơi pơčeh anai.

Khua git gai Ping gah, Khua mir sir Khač ơi Tập Cận Bình pơsit tong Khač lăng Việt Nam lĕ dêh čar anăp nao phun amăng pơtom hiăp hăng dêh čar ha guai hăng Khač; anai lĕ tơlơi ruah phun mơng Khač hluai tui bruă pơđĭ kyar sui thun amăng tơlơi rô nao rai Khač-Việt Nam; čang rơmang hăng prap pơtrut tơlơi rô nao rai dua Ping gah, dua boh dêh čar jai hrơi pơđĭ kyar, jai dơlăm, sit nik. Dua bơnah pơčrông sai hơdôm bruă jar kmar, amăng kual dua bơnah đing nao, tŭ ư amra wai pơgang hăng pơsir hĭ lăp djơ̆ hloh, pơhlôm rơnuk rơnua, hơđong amăng kual ia rơsĭ, hơkrŭ ngă gêh gal kiăng pơđĭ kyar ƀơi rĭm boh dêh čar.