Khua dêh čar ơi Phạm Minh Chính bưp Khua git gai pơ ala mơnuih ƀôn sang Hà Lan
Thứ ba, 13:40, 13/12/2022
VOV Tây Nguyên/Nay Jek pơblang
VOV Tây Nguyên/Nay Jek pơblang
VOV4.Jarai-Amăng tal nao čuă sit nik dêh čar Hà Lan, tlam lơ 12/12, Khua dêh čar ơi Phạm Minh Chính hơmâo bưp khua gơnong dlông pơ ala mơnuih ƀôn sang dêh čar Hà Lan ơi Anthonie Bruijn hăng Khua gơnong yŭ pơ ala mơnuih ƀôn sang Hà Lan, yă Vera Bergkamp.
Khua dêh čar ta lăi, Việt Nam lăng yôm hăng čang rơmang kơtưn ngă hrom giăng mah hlom bom hăng dêh čar Hà Lan amăng djop bruă mă; tơlơi ngă giăng mah hlăk pơđĭ kyar hiam klă gah bruă kơđi čar, bơwih ƀong huă sĭ mơdrô, pơgang rơnuk rơnua-hơđong dêh čar; kiăng pơtrut tui bruă ngă hrom pơkôl pơgang anŏ pơblih ayuh hyiăng hăng bruă ngă hmua hơđong kjăp; lăng yôm tơlơi dong yua, djru hrom mơ̆ng anom bruă pơ ala mơnuih ƀôn sang dêh čar Hà Lan pơtrut bruă ngă pŭ ƀăn lu mơta hăng Việt Nam.
Khua dêh čar ơi Phạm Minh Chính rơkâo khua mua pơ ala mơnuih ƀôn sang dêh čar Hà Lan tañ pơsit hĭ Hră pơkôl pơgang ba bruă tuh pơ alin mơ̆ng Việt Nam-EU, ngă gêh găl kơ anom bruă sĭ mơdrô mơ̆ng Hà Lan bơwih ƀong huă tuh pơ alin sĭ mơdrô ƀơi Việt Nam.
Viết bình luận