Dua čô khua  brơi thâo pơ anăp anai, amra gir run tŏ tui tơlơi rô nao rai ngă hrŏm djop mơta Việt Nam-Hàn Quốc pơđĭ kyar kơtang, dơlăm ƀiă dong. Dua bơnah tŭ ư kơtưn pơlăi nao rai, pơbưp khua mua pơprong; pơtrut kơtang ngă hrŏm gah ling tơhan, wai pơgang rơnuk rơnua; pơtrut ngă hrŏm bơwih ƀong huă, sĭ mơdrô, pơsir hĭ hơdôm tơlơi gun, ngă gêh gal brơi gơnam tam ba sĭ mơdrô nao rai dua bơnah, ăt kah hăng ngă hrŏm amăng hơdôm bruă phrâo, bruă hơmâo tơlơi dưi prong anun lĕ boh thâo măi mok, pơplih pơčeh phrâo, kơsem min hăng pơđĭ kyar.

Khua dêh čar ơi Phạm Minh Chính pơsit tong Việt Nam amra tŏ tui ngă gêh gal brơi hơdôm anom bruă tuh pơ alin mơng Hàn Quốc dưi bơwih ƀong sui thun ƀơi Việt Nam; rơkâo Hàn Quốc tŏ tui pok bah amăng brơi gơnam tam mơng Việt Nam, hơmâo gơnam đang hmua dưi ba sĭ mơdrô pơ Hàn Quốc; djru Việt Nam čan prăk mă kmlai ƀiă kiăng pok pơhai hơdôm akŏ bruă pok prong, pơdah tơlơi yôm mơng jơlan rơdêh treng, jơlan rơdêh đuăi hmar.