Ƀơi mông bưp hăng Khua dêh čar Barbados, yă Mia Mottley,dua bơnah tŭ ư pơtrut tui bruă mă kơtưn hơduah ĕp kiăng thâo hluh nao rai tơdruă. Khua dêh čar lăi, dêh čar Barbados, Việt Nam amra kơtưn ngă hrŏm lu hloh hăng amăng kual. Khua dêh čar Barbados, yă Mia Mottley ăt lăi, amra ngă gong jơlan pơtruh brơi Việt Nam, kơtưn rô nao rai hăng hơdôm dêh čar kual Caribe.

Ƀơi mông bưp Khua dêh čar New Zealand ơi Chris Hipkins, Khua dêh čar ta ơi Phạm Minh Chính lăi pơtong, Việt Nam lăng yôm hăng kiăng biă mă pơtrut bruă ngă kiăng mah yôm pơphăn hăng dêh čar New Zealand. Dua čô khua dêh čar rơkâo djop ding jum, anom bruă pơtrut tui bruă hơduah ĕp, pok bah amăng prong hloh, anih anom sĭ mơdrô kơtơdruă, amăng anun hơmâo gơnam đang hmua hăng anăp nao tơhnal pơkă ba rơnoh sĭ mơdrô dua bơnah truh 2 klai USD amăng thun 2024.