Pơhiăp ƀơi mông jơnum, Khua dêh čar ơi Phạm Minh Chính hơmâo lăi pơthâo hăng mơnuih ƀôn sang ruah khua ƀơi Cần Thơ kơ tơlơi pơhing bơwih ƀong huă mơnuih mơnam lŏn ia ta 9 blan rơgao, hơdôm bruă mă pơtom hiăp mơ̆ng dêh čar. Khua dêh čar hơmâo lăi glăi hơdôm tơlơi tơña mơ̆ng mơnuih ƀôn sang ruah khua boh nik ñu kơčăo bruă 1 klăk ha hmua pơdai rah pơjeh hiam, huăi ba yua ia jrao, hơbâo pruai lu, pok prong tơdron rơdêh por Cần Thơ, Cà Mau, Phú Quốc, man pơkra tơdrun kompan Cái Cui, pơtô hrăm mơnuih apăn bruă thâo rơgơi kơ kual lŏn mơnai ia krông Cửu Long.

Jing sa čô pô pơ ala mơnuih ƀôn sang dêh čar ƀơi Cần Thơ, Khua dêh čar pơđing hmư̆ tong ten abih bang tơlơi pơgôp hiăp, tơlơi kiăng mơ̆ng ƀing khua mua, mơnuih apăn bruă, ană plơi pla jing mơnuih ruah khua rơkâo đĭ hăng khua mua ping gah ƀôn prong Cần Thơ; dŏ bơngơ̆t ngă hiư̆m pă mă bruă gir run abih pran jua pô djru hrŏm amăng bruă pơđĭ kyar hing ang ƀôn prong Cần Thơ lăi pha amăng dêh čar ta hnun mơ̆n.