Pơhiăp ƀơi mông jơnum, Khua dêh čar ơi Phạm Minh Chính lăi pơtong, akŏ bruă khom pok pơhai tum teč rơđah rơđong hloh djop jơlan hơdră, tơlơi pơtrun mơ̆ng Ping gah amăng hră pơtrun, hră klah čun, hră pơčrâo bruă mơ̆ng gơnong dlông, Ding jum kơđi čar, Khul apăn bruă git gai ping gah, mơ̆ng khua git gai ping gah pô, phrâo anai hloh Hră pơtrun 59 mơ̆ng Ding jum kơđi čar kơ bruă mut phung jar kmar amăng rơnuk phrâo; akŏ bruă kiăng pơdah thâo bruă či ngă, djơ̆ lăp, kơtang kah hăng pran jua blah ngă, pơrơđah tui hăng bruă ngă khom dưi ngă sit nik.

Khua dêh čar ơi Phạm Minh Chính pơtrun hiăp, brơi ngă tui tơlơi pơmin pơblih phrâo khut khăt, kơtang hloh amăng bruă pơtom hiăp, bơwih brơi bruă mă ba glăi boh tŭ yua kơ lŏn ia, djuai ania, anŏ tŭ yua kơ mơnuih ƀôn sang, djru hrŏm pơgang tơlơi rơngai, ngă khua pô, mut hrŏm sa boh lŏn ia hlom bom đơ đam dêh čar, pơđĭ kyar lŏn ia, hơđong tơlơi pơhing amăng dêh čar, tơlơi pơhing mơnuih ƀôn sang, tơhnal pơkă rơnuč lĕ mơnuih ƀôn sang jai hrơi trơi pơđao, yâo mơak hloh.