VOV4.Jarai - Jơnum kơnuk kơna kơ tơlơi phiăn blan 1/2022 pơphun mơguah lơ 19/1. Pơhiăp ƀơi mông jơnum, Khua dêh čar ơi Phạm Minh Chính git gai, ƀing Khua ding jum, Anom bruă khŏm nao git gai bruă čih pơkra hăng ngă pơgiong tơlơi phiăn, ƀu jao lui kơ pô djru bruă ôh, rim blan khŏm lăng glăi abih bang hơdôm tơlơi aka ƀu djơ̆, kiăng pơkra, hơdôm tơlơi phrâo, tơnap ngă, tơlơi hơmâo phrâo amăng mông git gai, črâo bruă aka ƀu hơmâo tơlơi pơkă ƀudah hơmâo laih tơlơi pơkôl pơkă samơ̆ tơlơi hơmâo sit nik rơgao tơlơi pơkă laih. Thun blan rơgao, Kơnuk kơna, Khua dêh čar hơmâo lăng ba bruă čih pơkra hăng ngă pơgiong tơlơi phiăn - 1 amăng 3 mơta tơlơi pơplih tui tơlơi pơtrun Jơnum Ping gah dêh čar. Ƀơi mông jơnum anai, ƀing khua bơkơtuai kơ Kơčăo bruă Tơlơi phiăn jơlan nao rai (pơkra glăi); Tơlơi phiăn rơnuk rơnua hơđong jơlan nao rai; Tơlơi phiăn tơhan gum pơgang rơnuk rơnua, hơđong kơjăp ƀơi plơi pla, hăng sa, dua tơlơi phiăn yôm pơkŏn dong.

Siu H’Mai: Pơblang