VOV4.Jarai-Tlam lơ 12/9, Khua dêh čar ơi Phạm Minh Chính git gai jơnum pơgang hơđong tơlơi bơwih ƀong huă dêh čar. Pơhiăp ƀơi mông jơnum, Khua dêh čar pơčrâo rơđah 11 khul bruă, pơsir phun hăng rơkâo anăm ngă amưng ôh, khom thâo tong ten tơlơi pơhing mơ̆ng jar kmar, amăng dêh čar, kơtưn thâo pơblang hlâo, him lăng hăng mă bruă khom tơpă, djơ̆ rơ-ua git gai bơwih ƀong huă amăng dêh čar.

Khua dêh čar ơi Phạm Minh Chính đĭ pơhiăp amăng mông jơnum

Ăt git gai bruă mă hơdeč hmar, tŭ yua hăng ngă hrom tong ten, sa amăng plĕ jơlan hơdră prăk kăk, thun mă yua prăk kăk hăng lu jơlan hơdră pơkŏn kiăng pơgăn prăk trun nua, hơđong bơwih ƀong huă prong, pơtrut hnong pơđĭ kyar, pơgang tơlơi bơkơnar atur tơlơi bơwih ƀong huă. Git gai bruă mă phun, bruă mă yôm, pơtong rơđah tơhnal pơkă, bruă pơtrun, gơnam yua mă bruă hăng hơdră pơsir djơ̆ găl, pơhlôm boh tŭ yua abih bang hăng djơ̆ hrom kơplah wah tơhnal pơkă hăng boh tŭ yua ƀơi anăp mơta hăng sui thun pơ anăp adih, yua tơlơi pơđĭ kyar hơđong kjăp atur tơlơi bơwih ƀong huă.

Nay Jek: Pơblang