Ƀơi mông jơnum, Khua ding jum Anom bruă kơnuk kơna ơi Trần Văn Sơn pơdah Tơlơi pơsit mơ̆ng Khua dêh čar kơ akŏ pơdong Khul git gai bruă kual Dơnung dêh čar. Hăng tơlơi pơmin pơđĭ kyar kual Đông Nam Bộ jing kual Dơnung pơđĭ kyar hmar, jing anih bơwih ƀong, prăk kăk, sĭ mơdrô, pơtô pơhrăm, pơđĭ kyar mơnuih mă bruă rơgơi, hơmâo boh thâo măi mok yôm, pơčeh phrâo, pơplih phrâo mrô prong hloh amăng dêh čar wơ̆t hăng amăng kual ASEAN, gơgrong bruă pơtruh nao rai hăng hơdôm kual bơwih ƀong pơkŏn. Akŏ pơdong kual Dơnung jing anih rơgơi, pơplih phrâo, mut hrŏm hăng jar kmar.

Ƀơi mông jơnum, khua mua hơdôm ding jum, anom bruă, mơnuih kơhnâo, mơnuih kơsem min boh thâo hơmâo bơkơtuai kơ hơdră ngă hrŏm, pơhưč tuh pơ alin man pơkra jơlan nao rai kual Dơnung Đông Nam Bộ dưm kơnar, phrâo. Kiăng pok pơhai bruă git gai kual amăng 6 blan rơnuč thun 2023; hơdră ngă bruă, akŏ pơdong hăng pơđĭ kyar hơdôm plơi prong prong hloh amăng Kual jing plơi prong rơgơi hmư̆ hing amăng kual. Rơkâo hơmâo tơlơi phiăn, hơdră ngă bruă phara kơ kual Đông Nam Bộ kiăng pơđĭ kyar jơlan nao rai, plơi prong mơtah, anih phun pơđĭ kyar prăk kăk....