VOV4.Jarai - Tlam lơ 7/4, ƀơi Ƀirô Kơnuk kơna, Khul git gai pơhlôm hơđong amăng plang internet dêh čar jơnum tal blunga, tui tơlơi git gai mơng Khua dêh čar ơi Phạm Minh Chính, Khua khul git gai. Đĭ pơhiăp amăng mông jơnum, Khua dêh čar ơi Phạm Minh Chính brơi thâo, đơ đam dêh čar glăk pơtrut kơtang amăng pơplih mă yua boh thâo phrâo, pơjing kơnuk kơna điện tử, anăp nao Kơnuk kơna, mơnuih ƀon sang, bruă bơwih ƀong hă mă yua boh thâo phrâo. Yua anun, kiăng kơtưn wai lăng mơng Kơnuk kơna, pơgiong hơdră bruă, git gai, wai lăng ha amăng plĕ mơng gơnong glông truh pơ ƀon lan; črâo ba mơnuih ƀon sang, anom bơwih ƀong sĭ mơdrô mut hrŏm; kơtưn thâo mă yua boh thâo măi mok, prăk kak, mơnuih kiăng pơhlôm hơđong amăng plang internet, kiăng ngă tui hơdră bruă, tơlơi črâo trun mơng Ping gah, pơhlôm tơlơi dưi lŏn ia, djuai ania, tơlơi dưi kơ mơnuih ƀon sang, anom bơwih ƀong sĭ mơdrô hăng hơdôm anih anom bơdjơ̆ nao. Amăng mông jơnum ƀing ding kơna amăng Khul git gai đing nao pơgôp hiăp kơ bruă pơhlôm hơđong amăng plang internet amăng hrơi blan laih rơgao hăng tơlơi him lăng pơ anăp anai; pơgôp hiăp kơ hơdôm boh than ba glăi mơng bruă mă thun 2021 hăng anăp nao thun 2022; sa, dua bruă yôm phun, hơdră bruă yôm phun kiăng pơhlôm hơđong plang internet amăng dêh čar.

Siu Đoan: Pơblang