Khua dêh čar lăi pơtong, bruă mă bơkơtưn nao rai hăng apah bơni lĕ yôm pơphăn biă mă pơjing rai pran kơtang kơ lŏn ia anun khom pơphun ngă tui tong ten, djơ̆ lăp, ƀuh bruă sit nik ngă tui tŭ yua ƀu kiăo tui tŭ kơ hơmâo ôh. Mơ̆ng thun 2021 truh ră anai, Khua dêh čar hơmâo pơphun jak iâu ngă tui 4 mơta bruă bơkơtưn amăng dêh čar, laih dơ̆ng pok pơhai ngă tui 3 mơta bruă bơkơtưn phrâo. Khul pơphun bơkơtưn sem lăng, pơtong glăi bruă mă tui hăng Khua dêh čar pơtrun, pok pơhai sa amăng plĕ, tŭ yua, jing tơmeh phun, anăp ngă bruă bơkơtưn nao rai sit nik.

Klah čun ƀơi mông jơnum, Khua dêh čar ơi Phạm Minh Chính lăng yôm hăng bơni kơ pran jua mă bruă hur har, gơgrong ba laih anun pơgôp hrŏm prong amăng djop ding jum, anom bruă pơ gơnong dlông, djop tơring čar, ƀôn prong hăng khul grup, mơnuih ƀôn sang ngă tui, pok pơhai tŭ yua biă mă. Khua dêh čar lăi pơtong, bruă mă bơkơtưn khăp kơ lŏn ia hăng bruă apah bơni lĕ dua mơta boh yôm phun lir hơbit na nao ƀu phara ôh, sa pran kjăp, pơtrut kơtang mơ̆ng djuai ania, kơ lŏn ia.