Ƀơi mông jơnum, ƀing ding kơna amăng kơnuk kơna hơmâo hmư̆ lăi pơthâo kơ kơčăo bruă Tơlơi phiăn tuh pơ alin kơ bruă čar čih pơkra glăi; Hră lăi pơthâo kơčăo bruă Tơlơi phiăn čih pơkra glăi, pơhrua hơdôm mơta tơlơi Tơlơi phiăn Pơkă hnơ̆ng, Tơlơi phiăn tuh pơ alin, Tơlơi phiăn juă nua; Hră lăi pơthâo kơ kơčăo bruă tơlơi phiăn čih pơkra glăi, pơhrua nao hơdôm tơlơi phrâo Tơlơi phiăn Ngăn drăp kơnuk kơna, Tơlơi phiăn wai lăng, mă yua kông ngăn hrŏm dêh čar, Tơlơi phiăn djă pioh gơnam dêh čar…..

Biă mă ñu, tơlơi phiăn tuh pơ alin bruă čar čih pơkra glăi tui hăng Khua dêh čar ơi Phạm Minh Chính, tơhnal pơkă sit nik tui hăng bruă mă rim hrơi, pơpŭ kơ anŏ hơmâo sit nik, mă anŏ hơmâo sit nik anun yơh ngă tơlơi pơkă bĕ hĭ anŏ soh glăi ƀu klă, hŭi pơjing brơi anŏ gêh găl arăng ngă soh glăi mơ̆ng ƀing khua mua apăn bruă, nao hrŏm anun lĕ tơlơi hŭi glăm ba ƀu khin gơgrong amăng bruă mă, hŭi kơ soh ƀu gưt ngă bruă, mơ̆ng anun huač dram gơnam kông ngăn, kơnong ngă pơđĭ rơnoh prăk apah mơ̆ng ană plơi hăng ƀing ngă bruă mơdrô. Khua dêh čar pơtă pơtăn, ƀu pơjing rai anŏ gêh găl rơkâo amăng bruă djru nao rai ƀu găl tơlơi phiăn, khom ĕp bruă ngă beč bal hloh tuh pơ aljn prăk amăng dêh čar hăng mơ̆ng tač rơngiao, rơnoh prăk mơ̆ng dêh čar hăng ƀơi tơring čar, kơtưn krăo lăng tong ten, anăm lui hơmâo tơlơi hneč mă jơlan hơdră pioh ƀong kông ngăn, soh sat, apah bơni hmao kru kơ bruă hiam hăng pơsir khut khăt ƀing ngă soh.