Jơnum hơmâo pơphun ƀơi Ƀirô Kơnuk kơna hanh lăng nao rai mơng ataih hăng rơbêh 600 anih ƀơi hơdôm boh să, phường, tơring kual, tơring glông, plơi prong gah gơnong glông. Amăng mông jơnum anai, Khua dêh čar rơkâo lăng glăi tong ten yua hơget dŏ ƀuh mơnuih mă akan hơdang ča čot, ƀu lăi pơthâo, ƀu tui tơlơi pơkă. Khua dêh čar lăi pơtong, ƀing gơmơi ngă bruă anai lĕ yua tơlơi dưi kơ lŏn ia, kơ mơnuih ƀon sang, hăng yua rup rap kơ lŏn ia.

Đĭ pơhiăp amăng mông jơnum, Khua dêh čar ơi Phạm Minh Chính lăi pơtong, jơnum anai kiăng pơčrông sai bruă 5 thun laih rơgao. Thun hlâo, Khua dêh čar hơmâo jơnum lăng nao rai mơng ataih kơ bruă anai, samơ̆ truh ră anai ăt aka ƀu pơsir hĭ tơlơi anai. Khua dêh čar rơkâo ĕp tơlơi ba truh, pơsir hĭ klă hloh, tơpă sit, tŭ yua; lăi rơđah, yua hơget hơdôm dêh čar jum dar dưi ngă.