Tui lăi pơthâo mơng Ding jum kơčăo bruă hăng tuh pơ alin, rơnoh pơđĭ kyar 9 blan lu ƀiă pơhmu hăng tui tơlơi pơkă ba tơbiă, GDP rơwang tal III đĭ 7,4%, yap abih 9 blan đĭ 6,82%. Wŏt ngă hmua, tuh tia pơkra ming hăng bơwih bơwang lêng kơ pơđĭ kyar klă. Bruă bơwih ƀong tŏ tui pơplih klă. Kơ bruă jao, hơdră bruă akŏ phun blan 10, rơwang tal IV thun 2024 hăng pơ anăp dong Khua dêh čar ơi Phạm Minh Chính rơkâo djop gưl, gơnong bruă, djop ƀon lan tŏ ngă tui ha amăng plĕ, khut khăt hơdôm bruă jao, hơdră bruă tui pran gơgrong: Gir run kơtang hloh-Gir run abih pran jua-Ngă bruă khut khăt-Gir run ngă truh kih djop mơta hơnong pơkă, bruă jao amăng thun 2024 ngă atur brơi thun 2025.

Amăng anun, pơgiong bruă man pơdong sang dŏ brơi hơdôm boh sang anŏ ia kor ƀu hơmâo sang dŏ yua hơjan kơthel ngă, pơtrut jao prăk tuh pơ alin 140 rơbâo klai đing nao bruă man pơdong sang mơnuih mơnam; tal rơma lĕ pơtrut bơwih ƀong sĭ mơdrô pơhlôm brơi tơlơi bơwih ƀong huă kơ mơnuih ƀôn sang, hrưn đĭ tơlơi hơdip kơ mơnuih ƀôn sang tui gru grua, sit biă ñu rŭ pơdong glăi anŏ răm rai yua hơjan kơthel ngă phrâo anai hăng pơtrut tuh pơ alin man pơdong kiăng pơtrut pơđĭ kyar bơwih ƀong huă mơnuih mơnam.