VOV4.Jarai-Mơguah lơ 6/9, ƀơi sang bruă kơnuk kơna, ơi Phạm Minh Chính git gai jơnum ding kơna amăng kơnuk kơna tơđar blan 8 hăng 8 blan akŏ thun 2022. Pơhiăp ƀơi mông jơnum, Khua dêh čar ơi Phạm Minh Chính lăi pơtong, jơnum anai hơmâo 4 boh yôm phun: pơtong glăi tơlơi pơhing blan 8 hăng 8 blan rơgao, mơ̆ng anun pơtong glăi rơđah, him lăng hlâo, pơdah thâo bruă mă, hơdră pơsir djơ̆ lăp. Khua dêh čar pơtrun hiăp, khom ĕp lăng hlâo tơlơi pơhing hăng hơduah hơdră pơsir djơ̆ hloh, dưi ngă tui sit nik.

Mông jơnum abih bang

Khua dêh čar lăi, ƀing khua mua ƀuh ƀô̆ jơnum khom pơđĭ tơlơi glăm ba bruă mă, pơtum sa tơlơi pơmin, tơlơi thâo kiăng djru pơgôp hiăp djơ̆, tong, lăi tơpă bruă kiăng ngă pơ anăp adih klă hloh. Tơlơi pơhing bơwih ƀong huă mơnuih mơnam blah 8 hăng 8 blan rơgao ăt hơđong mơ̆n laih anun rŭ glăi lu boh tơhnal klă hiam. Bruă tuh tia pơkra pơjing rŭ glăi tañ. Sĭ mơdrô, bơwih bơwăng dik dăk tui, rŭ glăi hmar djop bruă. Hơdôm bruă mă đing nao tơlơi hơdip mơnuih mă bruă, mơnuih hơmâo anăn kơnuk kơna djru, mơnuih ƀun rin dưi pok pơhai klă, tŭ yua.

Nay Jek: Pơblang