Lơ 13/6, yŭ kơ tơlơi git gai mơ̆ng Khua dêh čar ơi Phạm Minh Chính, Kơnuk kơna jơnum bruă čih pơkra tơlơi phiăn blan 6 bơkơtuai kơ 3 kơčăo bruă tơlơi phiăn hăng 3 tơlơi rơkâo kiăng čih pơkra Tơlơi phiăn hơmâo hơdôm mơta tơlơi phiăn kah hăng: Tơlơi phiăn jrao hoá chất (čih pơkra glăi); Tơlơi phiăn pơplih, pơhrua tui hơdôm mơta tơlơi mơ̆ng Tơlơi phiăn ngă pơhưč mơnuih blơi gơnam; Tơlơi phiăn pơplih, pơhrua tui tơlơi phiăn Hơnong pơkă lăp djơ̆ boh thâo ia rơgơi hăng hơdôm tơlơi rơkâo čih pơkra tơlơi phiăn: Tơlơi phiăn Djă pioh mrô hră pơ-ar; Tơlơi phiăn pơgang duam ruă; Tơlơi phiăn pơplih pơhrua tui hơdôm tơlơi mơ̆ng Tơlơi phiăn hră pơhlôm nua ia jrao.

Hơmâo lăi 6 mơta tơlơi hơmâo lăi pơthâo ƀơi mông Jơnum čih pơkra tơlơi phiăn blan 6 thun 2024 lêng kơ tơlơi pơprong soh, Khua dêh čar kiăng ding kơna amăng Kơnuk kơna pơƀut tơlơi rơgơi, pran jua ngă bruă; pơčrông sai hơdôm bruă yôm phun, dŏ hơmâo lu tơlơi pơmin phara kiăng bơkơtuai pơsir hĭ, rơkâo đĭ Kơnuk kơna; pơhlôm djơ̆ hrơi pơkă, tŭ yua mơ̆ng mông Jơnum.