Klah čun mông jơnum, Khua dêh čar ơi Phạm Minh Chính pơblang tong ten tơlơi pơhing rŏng lŏn tơnah hăng amăng dêh čar, laih dơ̆ng pơčrâo rơđah hơdôm bruă aka dưi ngă, tơnap tap lông lăng. Khua dêh čar pơtrun hiăp, brơi ngă tui djơ̆ Hră pơtrun jơnum ruah khua ping gah dehe čar tal XIII, tơlơi git gai, pơčrâo trun, hơdôm hră pơtrun yôm, tơlơi klah čun mơ̆ng Gơnong dlông ping gah, anom bruă pơ ala mơnuih ƀôn sang dêh čar, kơnuk kơna; ngă rơđah tum teč jơlan hơdră, tơlơi phiăn pơmut nao amăng bruă mă kơ djop gưl, djop bruă, djop tơring čar.

Ăt ngă tui sa hnong pơgang hơđong tơlơi bơwih ƀong huă, pel ĕp prăk trun nua, pơtrut pơđĭ kyar, pơhlôm hơđong bơkơnar tơlơi bơwih ƀong huă. Biă mă ñu Khua dêh čar pơtrun hiăp, pơgang anŏ klă tŭ yua bruă mă, ngă djơ̆ hrơi blan pơkă djop kơčăo bruă pok pơhai, boh yôm phun Ding jum kơđi čar, khul git gai ping gah dêh čar, jơnum khua mua ping gah gơnong dlông. Pơtô lăi tong ten tơlơi pơtrun git gai ngă tui djơ̆ anŏ kiăng ƀuh hơmâo sit nik, hmao kru hăng tơlơi pơhing truh, pơsir tañ djơ̆ hơdră.