Tui hăng akŏ bruă hơmâo pơsit brơi laih, kual lŏn dăo ƀudah lŏn mơnai ia krông Cửu Long hơmâo arăt jơlan rơdêh đuăi hmar hăng abih bang anŏ glông ataih 1.188 km. Anăp nao tơhnal pơkă truh thun 2025, đơ đam kual lŏn mơnai ia krông Cửu Long amra hơmâo 548 km jơlan rơdêh đuăi hmar dưi ngă giong hăng truh thun 2030 lĕ,763 km ngă giong.

Đĭ pơhiăp git gai jơnum, Khua dêh čar ơi Phạm Minh Chính pơčrâo brơi rơđah, kual lŏn mơnai ia krông Cửu Long hơmâo anŏ gêh găl čuk pơkra jơlan glông samơ̆ ră anai dŏ tơnap tap, boh nik ñu jơlan či nao rai, ngă tơnap amăng bruă pơdŭ pơgiăng, pơđĭ rơnoh prăk apah Logistic, pơhrŏ pran kơtang pơhno gơnam sĭ mơdrô. Khua dêh čar ta rơkâo, ƀing khua mua nao jơnum khom pơgôp hiăp lăng, lăi tơpă amăng boh yôm phun pơčrong sai, pơčrâo tong ten anŏ dŏ gun, hơmâo anih dŏ kơđông kiăng pơsir hĭ, anŏ hơgĕt ngă klă laih khom pơđĭ tui, hrăm tui kơ anih pơkŏn; brơi apah bơni kơ djop pô, khul grup mă bruă klă; hơdôm pô, khul grup pơpă ƀong kông ngăn, ƀong prăk la khom pơsir khut khăt mơtam.