VOV4.Jarai-Mơguah lơ 15/9, Khua dêh čar ơi Phạm Minh Chính git gai jơnum pơtrut pơblih hơdră ngă hră pơar kơnuk kơna hăng ba yua boh thâo ia rơgơi hơdră git gai, wai lăng bơwih brơi bruă mơnuih ƀôn sang, anom bruă sĭ mơdrô. Jơnum anai dưi pơtruh nao rai hăng 63 boh tơring čar ƀôn prong amăng dêh čar. Pơhiăp amăng mông jơnum, Khua dêh čar ơi Phạm Minh Chính lăi pơtong, pơblih hơdră ngă hră pơar lĕ ping gah, kơnuk kơna lăng kah hăng črăn bruă yôm biă mă akŏ pơdong, ngă giong hơbô̆ kơnuk kơna tơlơi dưi kơ mơnuih mơnam ngă khua pô, tơpă, rơgoh, tŭ yua, ngă tui djơ̆, yua kơ mơnuih ƀôn sang khom ngă bruă, yua kơ anŏ pơđĭ kyar lŏn ia khom gir run.

Khua dêh čar ơi Phạm Minh Chính git gai jơnum pơtrut pơblih phrâo

 hơdră ngă hră pơar kơnuk kơna

Khua dêh čar lăi pơtong, yua hơmâo tơlơi gir run amăng abih bang glong bruă kơđi čar hăng mơnuih ƀôn sang anun yơh ƀing ta hơmâo yak nao djơ̆ yom pơblih ngă hră pơar kơnuk kơna boh nik ñu pơtrut đĭ hăng pơtum lu mơnuih ngă bruă git gai tơpă amăng gong gai kơnuk kơna djop gưl. Khă hnun, hrom hăng boh tơhnal dưi ngă laih, ăt dŏ mơ̆n tơlơi kơƀah, kiăng tañ pơsir hĭ, ngă amuñ hloh, pơtum mă bruă yua tŭ yua pran jua tơlơi mă bruă rŭ glăi pơđĭ kyar lŏn ia amăng mông anai.

Nay Jek: Pơblang