Khua dêh čar ơi Phạm Minh Chính git gai Jơnum tal 4 Khul git gai djru bruă ƀơi kual Ngŏ Dơnung
Thứ hai, 14:46, 12/08/2024
VOV/Siu Đoan Pơblang
VOV/Siu Đoan Pơblang
VOV4.Jarai-Ƀơi ƀôn prong Hồ Chí Minh, khua dêh čar ơi Phạm Minh Chính, Khua khul git gai djru bruă kual Ngŏ dơnung git gi Jơnum tal 4 amăng Khul kiăng pel ĕp glăi bruă ngă tui hơdôm boh tơhnal ba tơbiă amăng Jơnum tal 3 hăng pok pơhai akŏ bruă kual Ngŏ dơnung rơwang thun 2021-2030, anăp nao truh thun 2050.
Đĭ pơhiăp amăng mông jơnum, Khua dêh čar ơi Phạm Minh Chính jao Ding jum kơčăo bruă hăng tuh pơ alin gum hrŏm hăng anom bruă kơnuk kơna hăng djop ding jum, ƀon lan bơdjơ̆ nao kơsem min, tŭ mă tơlơi pơgôp hiăp, kiăng tŏ tui pơphôn bruă brơi klă hloh kơ khul git gai djru bruă kual Ngŏ dơnung amăng pok pơhai akŏ bruă amăng kual pơ anăp anai.
Kơ bruă jao hrŏm, akŏ phun, Khua dêh čar rơkâo djop ding jum, gơnong bruă, gong gai ƀon lan hluai tui bruă jao, tơlơi glăm ba pel ĕp glăi hơnong pơkă mơng anai truh abih thun 2024 hơmâo ba tơbiă kiăng khul khăt, gir run pơgiong bruă jao, pơgôp djơ̆ hăng hơnong pơkă pơđĭ kyar, hơđong tơlơi bơwih ƀong huă pok prong, wai lăng hŭi prăk trun nua, pơhlôm bơkơnar.
Viết bình luận