Klah čun bruă mă, Khua dêh čar ơi Phạm Minh Chính lăi rơđah, kiăng pơsit bruă lăi pơthâo Tơlơi pơsit ƀu kơnong hơjăn kơ ƀon prong Hồ Chí Minh đôč ôh, tơdah dưi ngă truh kih lĕ dêh čar ta mơn tŭ mă tơlơi klă hiam anai. Khua dêh čar kiăng pơtrun hlao Hơdră ngă bruă mơ̆ng Kơnuk Kơna, kaih biă mă lĕ amăng rơwang hrơi tơjuh pơ anăp, jao bruă rơđah rơđông, jao kơ ƀing Kơ-iăng khua dêh čar gơgrong bruă.

Ding jum pơkă hơnong hăng tuh pơ alin ngă hrŏm hăng Anom bruă Kơnuk kơna laih anun ƀôn prong Hồ Chí Minh lăng glăi, hơdôm tơlơi kiăng Kơnuk kơna ngă hră pơtrun lĕ Kơnuk kơna pơtrun kiăo tui akŏ tlôn, ngă hră pơ-ar amuñ ƀiă, jao kơ Kơ-iăng khua dêh čar git gai tui bruă gơñu gơgrong ngă, pơsir hĭ hơdôm tơlơi dŏ hơmâo lu tơlơi pơmin phara. Hơdôm ding jum anom bruă ječ ameč ngă hră pơčrâo brơi kiăo tui tơlơi dưi ngă. Hơdôm hră pơ-ar anai khŏm hơmâo pơtrun tañ, kaih biă mă ñu lĕ lơ 15/8 pơ anăp.