Hrĕ apui lơtrik jua kơtang 500 kV arăt tal 3 črăn mơ̆ng Phố Núi, tơring čar Hưng Yên nao pơ truh pơ Quảng Trạch, tơring čar Quảng Bình, črăn găn nao pơ hơdôm tơring čar Thanh Hóa, Nghệ An, Hà Tĩnh. Anai lĕ, jơnum tal 4 laih yua Khua dêh čar git gai, ĕp lăng, pơtrut ngă bruă kiăng pok pơhai mă bruă amăng 6 blan laih rơgao.
Klah čun ƀơi mông jơnum, Khua dêh čar ơi Phạm Minh Chính lăi pơtong, hrĕ apui lơtrik 500 kV arăt tal 3 jing kơčăo bruă phun yôm biă mă kơ tơlơi bơwih ƀong huă mơnuih mơnam, pơgang rơnuk rơnua, hơđong dêh čar laih anun bơwih brơi tơlơi hơdip mơda mơnuih ƀôn sang amăng kual hrĕ apui anai găn nao. Khua dêh čar pơtrun hiăp brơi djop sang bruă man pơdong, dăng hrĕ apui lơtrik, gir run hloh, ngă hmar ƀiă dơ̆ng, samơ̆ ăt khom đing nao ngă bruă tong ten, kjăp, pơhlôm rơnuk rơnua kơ mơnuih mă bruă kiăng čơkă tal 79 thun hơkrŭ blan čơpăn hăng akŏ pơdong kơnuk kơna lŏn ia ta lơ 2/9.
Viết bình luận