Dua čô khua dêh čar lăng yôm tơlơi rô nao rai kơplah wah Việt Nam hăng Japan, biă ñu tơdơi kơ pơđĭ tui tơlơi ngă hrŏm yôm phun amăng abih bang bruă. Khua dêh čar ơi Phạm Minh Chính lăi, Japan jing gŏp ngă hrŏm yôm phun hăng đăo kơnang mơ̆ng Việt Nam, laih dong čang rơmang pơtrut tui tui ngă hrŏm amăng abih bang bruă, biă ñu bơwih ƀong huă, pơplih boh thâo mrô, apui lơtrik, anih anom hăng pơtô pơjuăt mơnuih mă bruă.

Khua dêh čar ơi Ishiba lăng yôm tơlơi gơgrong bruă mơ̆ng Việt Nam amăng kual hăng ƀơi jar kmar; pơsit Japan amra gum hrŏm na nao hăng Việt Nam amăng rơnuk phrâo, djru Việt Nam đĭ kyar bơwih ƀong huă - mơnuih mơnam, akŏ pơdong tơlơi bơwih ƀong gơgrong mă pô, mă yua boh thâo măi mok phrâo, kơsem min boh thâo măi mok. Dua bơnah tŭ ư pơphun na nao bruă pơbưp, ngă hrŏm wai lăng rơnuk rơnua ƀơi ia rơsĭ, pơplih klă hloh anih anom tuh pơ alin hăng djru ba bruă pơkra măi mok phrâo.