VOV4.Jarai-Tlam lơ 5/6, ƀơi ƀôn prong Hồ Chí Minh, Khua dêh čar ơi Phạm Minh Chính nao jơnum hrom hăng git gai jơnum bơkơtuai tơlơi bơwih ƀong huă Việt Nam hăng akŏ tơlơi jơnum “Akŏ pơdong tơlơi bơwih ƀong huă rơngai hơjăn, ngă pô lir hơbit hăng bruă mut phung bơwih ƀong huă hăng jar kmar prong hloh amăng tơlơi pơhing phrâo” yua Anom bruă wai lăng bơwih ƀong huă mơ̆ng ping gah dêh čar pơphun, gah yŭ tơlơi git gai mơ̆ng ơi Trần Tuấn Anh ding kơna ding jum kơđi čar, Khua anom bruă wai lăng bơwih ƀong huă mơ̆ng Ping gah dêh čar.

Tơdơi kơ hmư̆ tơlơi pơgôp hiăp, đĭ pơhiăơ git gai jơnum, ơi Phạm Minh Chính Khua dêh čar lăi, anăp nao mă bruă rơngai hơjan, ngă pô lir hơbit hăng mut phung” hơmâo mơ̆ng tơlơi pơmin hlom bom mơ̆ng ping gah ta ngă hrom tơlơi kơtang djuai ania amang rơnuk phrâo, jing ngă tui tơlơi pơtô jơlan hơdră Mac-Lenin laih anun tơlơi pơmin Hồ Chí Minh. Kơ bruă mă, pơsir bruă phun, Khua dêh čar lăi rơđah: kiăng ngă gêh găl brơi bruă mă rơnuk rơnua, pơgang hơđong, ngă pô dêh čar hlom bom, hơđong bruă kơđi čar mơnuih mơnam, hơđong tơlơi phiăn, ngă atur hăng gêh găl brơi pơđĭ kyar bơwih ƀong huă mơnuih mơnam dêh čar ta rơngai, ngă pô lir hơbit mut phung jar kmar hlom bom.

Nay Jek: Pơblang