Mơguah lơ 9/10,Jơnum khua mua pơprong ASEAN tal 44, 45 hăng lu tơlơi jơnum pơkŏn pơdjơ̆ nao hơmâo pơphun prong biă mă ƀơi sang jơnum prong dêh čar Lao, lu khua mua pơprong djop dêh čar kual ASEAN, dêh čar Timor-Leste laih anun khua mua hơdôm dêh čar bơnah ngă hrŏm, anom bruă jar kmar laih anun amăng kual. Khua dêh čar ta ơi Phạm Minh Chính ba jơlan hlâo khul khua mua mơ̆ng Việt Nam nao jơnum hrŏm mông ngă lơphet  pok pơphun jơnum tal anai.

Pơhiăp đĭ amăng mông pok jơnum, Khua git gai ping gah, khua mir sir dêh čar Lao, ơi Thong Loun Sisulith lăi pơtong, amăng thun blan giăm pơ anăp anai, ASEAN amra pơtum abih bang djop dêh čar amăng kual Dơnung ngŏ ASIA hăng Timor-Leste jing ding kơna sit nik hăng djop anŏ gêh găl mơ̆ng kual ASEAN, lăi pơtong anŏ gêh găl lu mơta bruă hăng anŏ gêh găl prong amăng kual, laih dơ̆ng pok brơi bruă mut hrŏm phrâo hăng lu bơnah. Hăng akŏ “ASEAN: Pơtrut bruă pơtruh nao rai hăng Kơtưn mă pô”, djop tơlơi đing nao tơlơi pơčeh phrâo amăng thun ngă khua ASEAN mơ̆ng dêh čar Lao, kiăng pơtrut ngă hrŏm tơhnal pơkă akŏ pơdong khul gum hrŏm hlom bom amăng kual ASEAN pơtruh nao rai hăng hrưn đĭ mă pô. Tơdơi kơ pok pơhai jơnum, Khua dêh čar ta ơi Phạm Minh Chính hrŏm hăng ƀing khua mua djop dêh čar ASEAN hăng dêh čar Timor-Leste jơnum pơtum abih bang ƀơi mông jơnum prong khua mua ASEAN, pơčrong sai boh yôm phun bruă ngă hrŏm amăng kual ASEAN hăng plah wah ASEAN hăng hơdôm bơnah ngă hrŏm.