Pơhiăp ƀơi mông pơphun man pơkra, Khua dêh čar kiăng pô gơgrong tuh pơ alin iâu pơhrui măi mok, mơnuih mơnam kiăng man pơkra tañ hăng pran jua “3 ca, 4 kíp”, gir pơkra giong jơlan găn nao pơ tơring čar Thái Bình, Nam Định amăng thun 2026, pơhlôm klă, ƀu dưi pơplih nao rai prăk tuh pơ alin.

Khua dêh čar kiăng hơdôm boh tơring čar, anom bruă bơdjơ̆ nao ngă klă bruă duh prăk, djru ba, čuk pơkra pok anih ngă jơlan; pơhlôm bruă brơi pơtâo čuah man pơkra, pơhlôm hrơi pơkă. Khua dêh čar jak iâu tơlơi gơgrong bruă mơ̆ng tơring čar Ninh Bình, Nam Định, Hải Phòng ngă hrŏm kjăp či pok jơlan tŭ yua; laih dong đăo kơnang, hăng tơlơi kơdrưh mơ̆ng jua hơgor Thái Bình 1930, Thái Bình amra ngă truh kih djŏp ring bruă anai./.