Amăng hrơi blan pơ anăp anai, Khua dêh čar kiăng pơƀut git gai, črâo bruă yôm phun, amăng anun črâo rơđah, pơƀut ngă klă bruă pôr pơthâo, kiăng hơmâo tơlơi pơmin djơ̆ hrŏm mơ̆ng abih bang mơnuih ƀôn sang, kiăng pok pơhai ngă tong ten, gir iâu pơthưr, pơsur mơnuih ƀôn sang, tŭ ư hrŏm amăng abih bang anom bruă kơđi čar, hơmâo tơlơi dong yua mơ̆ng mơnuih ƀôn sang. Dưm dăp anom bruă kơnuk kơna khŏm pơhlôm abih bang, dưm kơnar, ngă tui rim rơwang bruă, hơmâo anŏ yôm phun, hơmâo hơdră ngă lăp djơ̆, răng kơđiăng, tŭ yua; anih ƀơi thơ dưi ngă hlâo lĕ ta ngă hlâo, anih ƀơi thơ aka ƀu dưi lĕ ta pơsit rơđah hơdră ngă bruă lăp djơ̆.

Khua dêh čar kiăng, dưm dăp anom bruă kơnuk kơna gưl tơring glông, gưl să khŏm pơlir hăng pơplih phrâo, dăm glăi anom bruă kơnuk kơna mă bruă hơdeč hmar, bruă mă tŭ yua; pơplih glăi, hăng pơđĭ tui tơlơi apăn bruă mơ̆ng ƀing khua, mơnuih mă bruă; pơplih phrâo bruă ngă pơ-ar, akŏ pơdong kơnuk kơna mă yua boh thâo mrô, abih bang mơnuih ƀôn sang mă yua mrô.