Tui hră lăi pơthâo, 9 blan tơlơi bơwih ƀong huă-mơnuih mơnam amăng lŏn ia hơmâo lu boh than ba glăi, lu ƀiă tui tơđar thun hlâo amăng djop mơta bruă. Him lăng đơ đam dêh čar hơmâo 14/15 hơnong pơkă hăng rơgao hăng mrô pơkă. Tơlơi bơwih ƀong huă pok prong tŏ tui hơđong, prăk trun nua dưi wai lăng, pơđĭ kyar bơwih ƀong huă lu ƀiă pơhmu hăng hơnong pơkă ba tơbiă. Hơdôm bruă jao, hơdră bruă hơdôm blan rơnuč thun 2024, Khua dêh čar ơi Phạm Minh Chính lăi rơđah: djop gưl, gơnong bruă, djop ƀon lan hluai tui tơlơi glăm ba tŏ tui đing nao ngă ha amăng plĕ, ba glăi tŭ yua hơdôm bruă jao, hơdră bruă amăng djop mơta bruă.

Amăng anun, tŏ tui gir run rŭ pơdong glăi anŏ răm rai, sit biă ñu lĕ kơthel mrô 3; gơgrong, gir run tŭ mă djop mơta kiăng pok pơhai hơdôm hơdră djru, amăng anun pơhlôm anăm brơi mơnuih ƀôn sang kơƀah mơnong ƀong huă, sum ao buh, ƀu hơmâo sang dŏ; ƀing čơđai dưi nao sang hră, mơnuih duam ruă dưi pơjrao brơi; djru brơi pơčeh phun pla, hlô rông, rŭ pơdong hăng pơđĭ kyar ngă hmua, pla đang glai, rông akan hơdang.