Amăng mông mă bruă, khua mua djop ding jum, gơnong bruă hăng tơring čar Dak Lak pơčrông sai kơ bruă pơđĭ kyar bơwih ƀong huă-mơnuih mơnam amăng tơring čar hăng lăi glăi, bơkơtuai ngă rơđah hơdôm boh tơhnal mơ̆ tơring čar rơkâo đĭ Kơnuk kơna, Khua dêh čar. Khua mua djop ding jum, gơnong bruă rơkâo djru brơi Dak Lak dưi ngă tui hơdôm tơlơi dưi amăng pơđĭ kyar ngă hmua hơdjă, yua boh thâo phrâo, pơđĭ kyar gru grua-tuai čuă ngui pơlir hăng ngă tui gru grua yôm phara; đing nao man pơkra anih anom, jơlan glông hiam kjăp; pơtô hrăm brơi mơnuih mă bruă.

Khua dêh čar rơkâo tơring čar Dak Lak pơtrut kơtang pơđĭ kyar bơwih ƀong huă-mơnuih mơnam hrŏm hăng bruă pơjing anih anom kơđi čar hơđong kjăp, hơkrŭ pơgang rơnuk rơnua; pơlir kjăp hrŏm bruă pơgang anih dŏ hơdip jum dar, bong glăi ayuh hyiăng pơplih sat, lăng ană mơnuih lĕ phun, pơhrŏ trun ƀun rin hơđong kjăp…ƀu pơdơi hrưn đĭ tơlơi hơdip mơda, gru grua hăng pran jua mơnuih ƀôn sang.